فى قصيدة / ( بكتبك )............... بقلم الشاعر المصري / احمد ابراهيم
الشاعر المصري / احمد ابراهيم
***************************
فى قصيدة / ( بكتبك )
******************
بكتبك فوق الحيطان التعبانين
والشرخ واصل للجدار
شمعة وغبار
والريح بيدوي بصوت رهيب هز الجدار
بركان وقايد بالحريق ودروب ماليان بنيران
قلبي الضعيف واقف بيسند ع الحيطان
صرخة دموع متشعلقه بين الرموش
غابة ووحوش عند البيبان
وانا قلبي مسنود ع الحيطان
زيك انا ظهري اتحنى يا صبيه فيكى مشنقه
فيه اللقي اصبح ضياع
ثمنى رخيص عمري رخيص
فجري اللى كان مستنى واقف ع البيبان
اصبح شموع بين القبور ومنورة
برزخ بعيشه بدمعتى متقولى مين طب مين انا
صعب انى اوصف جرح ذاد
والدمع فاض ياصبيه قولى بس مين يتحمله
بصرخ انا صرخة اسود زئير وعالي مطرحي
واه يا ليل متجمعه فيه الضباع
مكسور يا قلب الحزن فاض
يا صبيه امتى هتفرحي
وانتى لسه ف العيون لسه الدموع
مكسورة فيكى الملامح زي ضؤ
مقدرشي يوم عن جداره يوم يفوت والريح بصوت
وخده الجدار طبع الديابه غدريين
وقلوب بتصرخ بردنيين والريح بتخطف الحنين
مابقاش هنا لحظة براءة ممكنه
اصبح طريقي بين بيبان متقفله
قلبي الجريح مشلول برعشة م الشتا
والسيل بيجرف كل شئ متلغبطه
صورة وخريطه فى اطلسي
مرسومه رسمة الجبال والتلال عاليه اوي
والحلم كان صعب المنال
يا صبيه ليكى انا الصبي
بس الخيال واخد حروفي
لحلم مات و من القصيدة انا هنتّهى
زي ماعمري انتهي وانا بنتهي
اه والله خلاص انا بنتهي
************************
بقلم الشاعر المصري/ احمد ابراهيم
تعليقات
إرسال تعليق