أسكت ثواني ................ بقلم الشاعر / حنان احمد مراد

أسكت ثواني 

وسيب قلبي يقول كل المعاني

ده حبك في قلبي عالم تاني

زي ما أكون كنت بغرق وحبك نجانى

أوعه فى يوم تبعد عنى وتنسانى

ده حبك خلانى عايشه فى عالم تانى

كله زهور وورود وسرور على طول

كل ماحاول ابعد عنه كلمة منه ترجعنى من تأنى

مش حرتاح غير وإنت فى حضنى

دا أنت هنايا وفرحتى 

ومعاهم حبى وشوقى ولهفتى 

تكمل دنيتى

تمسح بأديك دمعتى

متسألنيش أنت أيه فى حياتى

ياللى ملكت عقلى وقلبى وكل ذاتى

أنت عمرى وكل أبتسماتى

والزمن الماضى والحاضر والأتى

داأنت ألمى وفرحتى

وكل حياتى ودنيتى

وحروف قصيدتى وأبياتى

تعرف انك عشقى وحبى

ياللى ملكت كل حياتى