الأصيـــــــل بقلم كــــرم محمد

الأصيـــــــل
اتخلقنا فى الرحم
و الرحم من الرحمان
مش صدفة لكن حكمته
يعلمك أن الانسان
مهما كبر أو صغر
أصله كان متهان
فاوعى يا أبنى
فى يوم تتغر
و تاخدك الايام
و للظلم كمان تتجر
الظالم مهما عَلىِ
أخرته لتراب
لا حيفده ولد
و لا لمة الاصحاب
و أسال على أختك
و كمان اخوك
دول هم ورثك
من امك و كمان ابوك
أوعى يشغلك
فى يوم ولادك
و لا تبيع أمك
عشان حماااتك
كل شئ اكيد حنسيبه
مش بادينا حتى نجيبه
الا عملنا حيفضل معانا
فليه نعيش على هوانا
ده العمر مهما طول
برده قصير
فخليك يا ابنى اصيل
و اوعى فى يوم تتغير
# الأصيل
 # أشعار كــــرم محمد