كنت في ايدك بقلم هناء محمود...

كنت في ايدك
ليه سبتني بسهولة اضيع
ليه اتخليت عن حب وحلم
كان لسة رضيع
ليه تسلمه بايدك 
يتربي في حضن الغير
ليه تتكبر ليه تهمله
كان قلب وديع
كان بيحب وكان بيدق
وكان لك دايماً
ابن مطيع
ليه تتخلي عن احلامنا
ليه تطير في الهوا
اشواقنا
ليه تسمح لي اكون لك
ذكري
ليه تسمح لي اكون لك
ماضي
وكنا بنحلم نبقي تملي
لبعضنا بكرة
ليه تسمح لي اهجر
اكتر
ليه ماندهت بعلو الصوت
ارجعي لي قلبي
بيموت
كنت ساعتها هنسي جفاك
هنسي قساوتك
وابقي معاك
اسكن حضنك
ارجع لك من تاني
اوام
كنت هسيب
بين رمش عنيك
صورتي ترقد
بسلام
لكنك بعتني
بسهولة
خليك عايش مع ذكرانا
خليك اندم واندم اكتر
ماكنت في ايدك
ليه سبتني بسهولة
اضيع
 هناء محمود... ام عبير