ودادي بقلم الشاعر أبو فريد الكرخي

(( ودادي ))
يشريان أو نبض لاتعتقد انساك
عشت مثل الغريب بسبب عصيانك
وال ينسه حبيبه عايش بلا روح
صرت روحي أعرفك ما يعرفونك
من اكتب شعر كالو علي مجنون
جنني ودادك اني من دونك
ودادك بالكلب لا والله ما انساك
اوهبلك حياتي فدوه لعيونك
ماريد الحلم ماريد حتى الناس
بس حلمك يضل بعيوني مفتونك
اوصفك تاج راسي دوم بالافراح
حتى التاج يخجل من يوصفونك
أريد أشعل شرارة بمجلس العشاق
واشعل روحي شمعه تضوي لجفونك
متهمني صحاري لا تهمني جبال
بس ابقه قريب أبين وديانك
خلي الناس كلهه تكول هل المجنون
فاقد للعقل من أجل إحسانك
تدري الكلب دوم سجنه يدوم
حتى النفس عندي صار مسجونك
ماريد الشمس لا ريد حتى نجوم
تضل انت النجم والشمس شريانك
للشاعر
 أبو فريد الكرخي