الشاعر محمود المزين عنوان: بلال بن رباح
Mahmoud Elmezien > مجلة سحر الحروف للشعر والإبداع
(بلال بن رباح )
ساخر من الأهوال
حبشى واسمه بلال
كان عبد لأميه
ربطه العدو فى أغلال
حطوا فى رقبته حبال
أخد الإيمان غية
ع الرمل جسمه طريح
ما يشوف هوا أو ريح
ولا داقش يوم ميه
ردد كلامه صريح
أحدٌ ..كانت تسبيح
تروي القلوب رية
عرضوا عليه يسيبوه
ينسوا العذاب يمحوه
لكن يعظمهم
ردد كلام كرهوه
مهما بنيران يكووه
بعزيمته يهزمهم
صاحب رسول الله
أبو بكر يا محلاه
شافهم وكلمهم
حرر بلال وشراه
وتركه لوجه الله
وحده بيكرمهم
أول أذان كان ليه
صوت ربنا يحميه
يا مؤذن الأمة
سيدنا النبى يحييه
قبل الأذان يناديه
ريحنا م الغمة
ربه بيثنى عليه
وفى بدر شاف ظالميه
فاتقتلوا وبهمة
يا رب نوصل ليه
فى الجنة نفرح بيه
ونضمه لو ضمة
#مؤذن_الأمة
#محمود_المزين
5 ساعات · العام
تعليقات
إرسال تعليق