الشاعرة ناديا الحسيني عنوان: شهداء الكرادة

Nadia Alhusseini > ‏مجلة سحر الحروف للشعر والإبداع
شهداء الكرادة
الإبن:ماما...
الأم:ياروح ماما
الإبن:أريد آيس كريم
الأم:حبيبي أخاف عليك لاتتمرض
ترضاها بعدين أسهر عليك الليل
الإبن:ماعلية ماما إذا تحبيني
أخذيني خلي ناكل آيس كريم
الأم:طيب يابعد روح أمك خلي نروح
إذا رفضت طلبك راح أتندم وليلي مانام
الإبن:شكرا ماما.. أحبچ ..ماما
الأم:وآني أموت عليك يابعد گلب ماما
ها وليدي أكلت
الآيس كريم؟..
لو طرت للسما
وخليت بگلبي الويل..
ماكملت فرحتك
بيها وماضگتها
شنو ذنبك تموت
ودمك يسيح وينخلط
لونة ويا دم الغير
مو منظرك شلني
وهدلي الحيل..
يا إرهابي شچاك
ماقاري قرآن
ولاتعرف الدين
الدنيا رمضان
والله محرم الدم
بشهرة الفضيل..
بأي حق إجيت وموتت
عوائل جاية تغير جو
بعد الفطور وفرحانين
مو عبالهم يجيهم
غراب الليل..
يابعد روح إمك
أنت يم الله طير
ويا البلابل يطير
خليت بگلبي حسرة
ودمعة ماتنسي
ورح أشم ريحتك
ويا كل دگة هيل..
خاص لشهداء تفجيرات بغداد الكرادة يوم أمس
حسبنا الله ونعم الوكيل
والرحمة والنور لأرواح شهدائنا الأبرياء
لك الله ياعراق
بقلمي
ناديا الحسيني