انا نفسى ............ بقلم الشاعر /مصطفى المحمدى
بقلم/ مصطفى المحمدى
انا نفسي
ومش عارف
أكون غيرها
ببدل ليها أحلامها
وراكز فيا تأثيرها
وكالعادة
بزرع في النفوس
خيرها
تسقيني المر بزيادة
وهي في الأساس نفسي
ومش عارف أكون غيرها
فكان قراري في الآخر
هعيش راهب
حيطان الدير تواسيني
وفاتح بابي للزوار
لحكاويهم وحوادتهم
بشوف الهم فى عيونهم
بنادى علية فبيجيني
وماهيش فارقة
همومي ما بين
حيطان الدير
تزيد واحد
ويمشي الزائر القادم
ويجي الزائر الآتي
وآخر اليوم
بجمع من الهموم صناديق
وبقفلها
وبحرق فيها تفكيرها
يبان الدير ساعات عاتمة
ودخانة
وكنهاية
بيفضل فيا تأثيرها
ماهى نفسي
ومش عارف أكون غيرها
اكيد النفس أمارة
ولوامة
ويامة طاوعتها لكن
بحس معاها دلوقتي
غريق
داخل في دوامة
بشوف البر
فبخرج بالجسد لكن
بيفضل فيا تأثيرها
ماهى نفسي
ومش عارف أكون
غيرها
تعليقات
إرسال تعليق