ااااه يا سندى فى دنيتى ............. بقلم الشاعر /أحمد طلبه
أااااه
يا سندي في دنيتي
أاااه
يا وجعي وحسرتي
يا متربي علي إيديا
إبني يا ضي عينيا
كسروني بعدك يا حبيبي
وموتو فيك فرحتي
وأااااه
علي بختي وقسمتي
وأاااه
من ناري وحرقتي
ماانا مش هشوفك حواليا
استكترو الفرح عليا
حرموني من أغلي ماليا
يا ضنايا روحت وسبتني
==========
انا مش هشوفك قدامي
طب كنت تستني ثواني
مهو مين لي بعدك يرعاني
ويهون وحدتي
خلاص يا والدي مسماحك
ياريتني اه روحت وراك
ما إيديا دي مربياك
وضاعت تربيتي
أاااه
يا سندي في دنيتي
أاااه
يا وجعي وحسرتي
=========
منهم لله اللي خنوك
علشان بلادك ضربوك
كسرولي ضهري انا وأبوك
كسرولي حتي ضحكتي
مع السلامه يا كبد أمك
كان نفسي والله أضمك
لكن دي مصر كمان امك
راجل وشرفتني
=======
أحمد طلبه
٢٠١٧/٧/٩
تعليقات
إرسال تعليق