شروقيه من ديوانى حفنة غزل ما عاد تحرز......... بقلم الشاعر /راضى مشيلح
شروقيه من ديواني حفنةغزل
ما عاد تحرز
،،،،،،،،،،، ،،،،،،،،،،،،،،،،،،،،،،،،،،،،،،،،،،
طلبتي قصيدة غزل طلي تعي وشوفي
قديش كاتب الك اشعار ع رفروفي
ومن يوم انتِ وانا كنا بعد صبيان
بقيتِ بقلبي جرح نهده على دفوفي
وياما ع تختي سهرت مع لوعة الحرمان
وعنك لقلبي قلت بتحس بظروفي
بقيتِ كأنك حلم عايش مع الوجدان
وساعة غيابك ع شكلي تبعثروا حروفي
وصفيْت ضايع عمر مع عتمة النسيان
وما حصدت غير الصبر والشوق بكفوفي
واليوم يا حلوتي وَّلى شهر نيسان
وصارت وراق العمر عالارض منعوفي
وما عاد تحرز نجي وننقز البستان
ونصبح حكايا ع ثم الناس مكشوفي
خلي خيالك معي تحت الجفن سهران
تا ظل انظم غزل في حُبك الصوفي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
راضي مشيلح
تعليقات
إرسال تعليق