كرمك زيادة ............. بقلم الشاعرة /ابتسام يونس
كرمك زيادة
////////////////
من كتر عذابك
لقلبي الضعيف
من كتر مرار السنين
من كتر الأنين
من كتر سهدي
وسهري لوحدي
أعد نجوم الضني في قلبي
عرفت في قربك طريق العذاب
بندخله يا خلي من أنهو باب
لجل ما أخد حق السنين
لجل مالملم كل اللي فات
من حبي وعشقي
وأبدل بدلهم حياتك عذاب
ومن البداية وأصل الحكاية
أنت اللي بادي وكرمك زيادة
في قهري وظلمي
سلكته كانه طريق للعبادة
من البدايه عمري كان لك
أجمل حكايه
شلت قلبك بين ضلوعي
شلت همك
شلت أسمك
شلت رسمك
بين كفوفي
ولما أسيت وحبي رميت
ودرت تدور علي حب جديد
بجد بعتك وحتي تمنك
أنا مستنيت
ومن زماااان أنا نسيت
وجاي دلوقتي تصحي جرح مات من سنين
أوعاك تنبش تاني في القبور
خلي حبك فيها مقبور
وأوعاك من لعنت الميت عليك
خلي حالك يا خل عمري
كده مستور
************
#بقلمي_إبتسام_يونس
تعليقات
إرسال تعليق