ايه ياراسي بقلم ادريس جبيلو

ايه ياراسي

فداك المرايا
شافتني صورتي
تاسفت وباحت
بكات وناحت
ياداك المسكين
صابوك نية
راك بقيتي فيا
ضمسوك بالقافية
دوك الاولية
شياطين الشعبوية
الاعيان الشلاهبية
اللي لحسو المخفية
كفاوها ف السروية
وخرجو للفروسية
يتباهاو عليك وعليا
ايييييه ياراسي
مالك عاصي
زايد فعكاسي
انت عليا واصي
ماصححتي ساسي
مازينتي لي نواصي
ماحديتي لي باسي
مادرتي لي مراصي
خلتيني نقاسي
امحن رواصي
ماتبعتي قياسي
 سعدي مغاصي

بقلم ادريس جبيلو