أحلامنا ليه بتختفى ........... بقلم الشاعر / عيسى عبد الرؤوف

أحلامنا ليه بتختفى
ومخاصمه خيوط النهار
وشموعنا ليه بتنطفى
بكلمة وإن كانت هزار

نفوسنا ليه مش مستحملة
وحياتنا ليه متبرجلة
وغضبنا ممكن يتقلب
بركان دمار

والبسمة ليه مفارق الوشوش
فين إللي كان ف يوم باشوش
الحزن ليه كاسى الحيطان
وعايش معنا ف كل دار

ليه الغلاء غيير نفوس
ليه الحياة صبحت فلوس
ليه لما بسأل ع السبب
يبقى الجواب العيشة نار

فقدنا حتى الإعتذار
وحياتنا صبحت ليه مرار
ليه الخلاف يقلب عداوة
فقدنا ليه لفة الحوار

==================
الشاعر عيسى عبد الرؤوف