ولسه الحرف مكتوب على الميه .......... بقلم الشاعر/ حسن المصرى
ولسه الحرف مكتوب على الميه
والموجه عاليه
وكلمة السما هاديه
وانا مابين حرفين
اسم انكتب ف لحظة سكون
انقسمت فيها الميه شطرين
شطرمالح
وشطر طافح
لكنه مش واضح
معرفش فين؟
ساعات ...
بأكون واضح
على وش الميه صابح
وساعات بأكون بقاليل
طافح......
وساعات بستخبى ف ركن م الموجه مش واضح
انا ابن كل القصور التايهه
مسجون مابين جبلين
ياما حلمت بالحلم الاخضر
انا ابن لكل ربيع مابين خريفين
خطونى ملعونه مسخوطه
تشق فرج ارض بكر
وبعد ليل تبقى حبلى
وف بطنها بدل الشيطان شيطانين
انا موجود ف الوجود
ولما كان الكون مسخوط
كنت مليان بالحنين
ودعت ف القرب البعاد
لقيت البعاد مش بعيد
جنب منى بخطوتين
انا صباح للفرحه
لكنى مشفتش منها غير الندهه مجذوبه
و الصرخه
ادور عليها ساعة الكرب ف القلب
النبض يبقى يدب
انام ف قلب الليل
والدمعه محبوسه ف عنيا
مابين رمشين
الاقيها مشنوقه بتبتسم
كان بينى وبينها نظرتين
تعليقات
إرسال تعليق