. يا حبيبــى بــلاش سفـــر... بقلم عبير الجندى .

. يا حبيبــى بــلاش سفـــر...

رمش العيون أسرنا يا هديه م القدر
بتغنى يا أميرنا والقلب ليك وتر
ياما وياك سهرنا فى طريق مليان شجر
 وحكينا ليك شعورنا يا حبيبى بلاش سفر


سلمت لك بحورى قدمت لك حياتى
يا حبيبى لك شعورى يا أحلى ذكرياتى
يا بو الطلعه البهيه والنظره المتداريّه
ياما وياك سهرنا فى طريق مليان شجر
 وحكينا ليك شعورنا يا حبيبى بلاش سفر


أنا إيه من غير عيونك مركب جوه الرياح
بالروح دايما أصونك وأخلى الكون براح
وأجيلك شايله روحى داوى جميع جراحى
ياما وياك سهرنا فى طريق مليان شجر
وحكينا ليك شعورنا يا حبيبى بلاش سفر
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
عبير الجندى .
 عبير المصراويه