أنت الدواء بقلم الشاعر ..اليان سمعان

-==***==-{ انت الدوا }-==***==-
~~~~~~~~~~~~~~~~~~~~~~~
تعبت قلبي بكترة السهرات
 ---==***==--- اكتب غزل شليت ايديي

انتي الدوا للحب والعلات
 ---==***==--- انتي الدفا والعشق شتوية

ياريت فيي جمعك وصفات
---==***==---  اخذ معلقة للحب ليلية

واتعود عاشرب مخدر العنات
---==***==---  لما الهوى بينقح عليي

ياريت فيي حولك حبات
---==***==---  يوعّو الهنا وافراح منسية

واعملن شمعة نور العتمات
---==***==---  غيابك شو ترك عتم فيي

حبوبك سحر بتخفف الاهات
 ---==***==--- وبنسى الوجع ودموع عينيي

ماعاد ينفعني دوا الكلمات
---==***==---  انت الشفا للروح برجعتك ليي

ماعد جسمي يحمل العلات
---==***==--- عمري مضي وعكات حنية
~~~~~~~~~~~~~~~~~~~~~~~~~~~
الشاعر السوري المهجري ... اليان سمعان  ...