الشاعر وائل سعيد ياعم ياحاكم
Wael Saaid > مجلة سحر الحروف للشعر والإبداع
يا عم يا حاكم
بكرة هتتحاكم
والقاضى هو الله
لا نيابة فى محاكم
ولا ناس بتتزاحم
العدل هو فى سماه
لا جلسة تتآجل
ومحامى يتحايل
الكل ورقه معاه
لا شهود هتتجامل
ومحضر ورق شايل
تايه ورقنا معاه
لو كان حالك مايل
وظلمك حجر داير
ايه قولك لله
مظاليم والطلب عاجل
يرجع ليها مظالم
حسنات وعز وجاه
يا ابو الحرس داير
وقصور بها جناين
عدل الإله تلقاه
وان كان مع الله تاجر
وعلى الذنوب ثائر
عدل وعدله حماه
شهد الجميع عادل
وكان للحياه زاهد
يارب خدنا معاه
فى الجنة نتقابل
نعيم مهوش زايل
وعيد ووعده الله
………...........وائل سعيد
تعليقات
إرسال تعليق