الشاعر محمود المزين طير مبسوط

Mahmoud Elmezien > ‏مجلة سحر الحروف للشعر والإبداع
(طير مبسوط )
انا مش هيأس
أنا مش هضعف
أنا مش هكتم
جوايا الصوت
مش هدفن نفسى
فى قلب تابوت
العالم مفتوح قدامى
أنا ههزم ضعفى
وأعدى وأفوت
الساعة اتنين
والدنيا سكوت
غرقان فى الدنيا
وأفكارى
متدارى فى أوضتى
وبردان موت
مشغول عن نفسى
ومش دارى
وشايف فى مرايتى
نفس مكبوت
وشريط العمر
فى ثانية يفوت
مرة فرحنا
ومرة زعلنا
ومرة عشقنا
وساعات مبسوط
ومرة صرخنا
ومات فينا الصوت
أنا هفضل حى
لا يمكن أموت
أنا هرفض إنى
أعيش مكبوت
أنا هكتب شعر
وهحكى كلام
وأرسم أحلام
وأضرب بالسوط
وأتحدى العالم
بالنبوت
انا هرسم ضحكة
وهمحى سكوت
والدنيا ان وقفت قدامى
انا عمرى ما أكون
تمثال منحوت
ههزمها وأحقق أحلامى
وجنون بجنون
وأنا طير مبسوط
#محمود_المزين