ماكم ياعرب على هد الحال ............... بقلم الشاعر الغنائى / لحسن بوعاد
ماكم يا عرب على هد الحال
حرام يا عرب حرام
فين حق الجار على الجار
بلا نقاش ولا حوار
بينكم يا عرب تشعل نار
نار ما فيها ما تختار
فيكم تتشفى كل الاقطار
في ساعة تغير الحال
واكثر لكلام شحال
نار ما فيها ما تختار
تحرق كل من في الدار
فين الحكمة والرزانة
داك لداك ينعث بالخيانة
لكلام المعقول ارجع إهانة
كل واحد ينطق بكلام
يخلي جارو من الغير يتلام
مالكم يا عرب على هد الحال
لاموكم اولاد و نسا ورجال
حرا تقطعو الصلة والسؤال
ولحم ودم بينكم مشروك
هدا منكم يتهم هدا
والنار زايدة تگدي بزيادة
يا عرب آش هد العادة
منكم شحال من واحد تعادة
بلا وحوار صبركم تقاضة
تشفاو فيكم الأعداء بزيادة
زادو الزيت على النار
وليكم بغاو تشتيت ودمار
لا كلمة عندكم تبقى مسموعة
يفرشو طريقكم حفاري ؤ شوك
وانتم لحم ودم بينكم مشروك
ومالكم يا عرب على هد الحال
كلمات الشاعر الغنائي
لحسن بوعاد
تعليقات
إرسال تعليق