لكى الله يا فلسطين .............. بقلم الشاعر / طارق عنتر ال خاطر

فلسطين ابكي علي موت صلاح الدين
واحلمي يرجع تاني يوم حطين..
عايش عليكي يامدينة السلام حزين..
قدسك يصرخ ومفيش حاجه في ايديا..
واطفالك تموت وشايفه بعنيا..
بقينا من غير قلوب عايشين..
وراسنا بقت في الوحل والطين..
هعلم ابني ميكنش زيي خايف..
لو يوم بعينه للظلم شايف..
يموت ولا يقبل يعيش ذليل..
يموت فدا ارضنه ووطنه واوطان العرب
وميستناش منهم رد جميل..
هعلم ابني وهو لسه في بطني جنين..
واحفر اسمك علي قلبه يافلسطين..
كبرت يامه كبرت يامه وزي ما علمتيني..
خليت مصر عرشي وبلاد العرب تاج
علي راسي..
وفي مدرستي كانوا هما واجبي في كراسي..
بس عايش حزين العرب مش زي ماقولتيلي
يا امي متوحدين..
وجيشنا جيش واحد ولأعداءنا قاهرين..
العرب متفرقين عايش في فرقه ومن بعض
غيرانين..
وانت في بداية كلامك قولتي ابكي علي
صلاح الدين..
لما انتوا عارفين زرعتوا ليه في قلوبنا
حبنا لبعض فدادين..
انا هكون يا امي صلاح الدين..
وانا اللي هرجع يوم نصر حطين..
وانا اللي هرسم بلاد العرب ورده علي الجبين..
ارفع راسك ياقدس مالك حزين..
بكره تتحرر ارضك من كل عدوين..
ابكي علينا اللي باقينا لبعض كارهين..
وعلشان نبرر ضعفنا بنقول يستاهلوا
عشان غدارين..
مالكوا ياعرب ولوحدتكم ليه ناسيين..
مات عبدالناصر والسادات والاسد وصدام
ومعمر
احنا اولادهم ولرجولتهم وشهامتهم وارثين..
ايديكوا في ايديا هنرسم البسمه علي
وشوشنا ويبقي عيد علي فلسطين..

(( لكي الله يا فلسطين ))

بقلمي/ طارق عنتر آل خاطر