مغرم بيكى ...........بقلم الشاعر / عبدالله انس الشرقاوى

( مغرم بيكى)
**********
مآنا من زمان مغرم بيكى
بتغيبى عنى ....وبناديكى
يا ام الشعور ملفوف وطويل
باشتاق انا ..واحن اليكى

كل اما اشوفك ..قلبى يدق
والريق بيجرى عليكى ويرق
طعمك مسكر ....إنما إيه
ولا مره شغتك ..قلت انا لأ

مااحلاكى... وانتى قدامى
غرقانه سكر.... يا غرامى
باضعف كتير لما باشوفك
جايانى دايما.. فى منامى

محشيه جوز واللوز وزبيب
ومكسرات ..وعسل وحليب
والزبده بلدى ريحتها جنان
حاجات تخلى العقل يشيب

بعد الفطار قبل التراويح
يحلالى أكلك كده بصحيح
يا دوب صينيه دى مسحة زور
باحلى بيكى.. مع البطيخ

من كتر عشقى انا فيكى خلاص
هبنيلى فرن ......اعمله اساس
واجبلى كوز مع طن دقيق
وارش بايدى .....وابيع للناس

واكتب عليكى... الكيلو ب جنيه
واقول تعالى ...وشوفها يا بيه
دى (كتافه بلدى) مفيش منها
صنعة إيديه دى إنما إيه !!!!!!!